समखबर संवाददाता 
समखबर संवाददाता
यौन दुव्यवहारको उजुरीमा हदम्याद सम्बन्धि व्यवस्था हटाउन मागसहित राष्ट्रिय सभामा संकल्प प्रस्ताव दर्ता गरेको छ । सांसदहरु कमला पन्त, प्रमिलाकुमारी यादव, विमला राय पौड्याल, खिमलाल देवकोटा, मदनकुमारी शाह, बिमला घिमिरे, शेखर कुमार सिंह, गंगा कुमारी बेलबासे र तुलप्रसाद विश्वकर्माले राष्ट्रिय सभामा उक्त प्रस्ताव दर्ता गराएका हुन् ।
प्रस्तावमा हदम्यादका कारण पीडितले न्याय नपाउने र पीडकले सजाय मुक्त हुने अवस्थाको बारेमा उल्लेख गरिएको छ । यौनजन्य हिंसा भएमा १ वर्षभित्र उजुरी गरिसक्नुपर्ने हदम्याद छ ।
बालयौन दुव्यवहार कसुरमा सजायको लागि जाहेरीको लागि पुर्णत हदम्याद व्यवस्था हटाउने र बालबालिका बाहेक अन्यको हकमा समेत हदम्याद पुनरावलोकन र पुनर्विचार गरी आवश्यक संशोधन गर्ने दुइटा माग प्रस्तावमा राखिएको छ ।
समखबर संवाददाता 
