समखबर संवाददाता 
समखबर संवाददाता
राष्ट्रिय सभा अन्तर्गतको राष्ट्रिय सरोकार तथा समन्वय समितिकी सभापति दिलकुमारी थापा रावलले पशुपति क्षेत्र विकास कोषलाई व्यवस्थित गरेर लानु पर्ने बताएकी छिन ।
मंगलबार राष्ट्रिय सरोकार तथा समन्वय समिति बैठकमा पशुपति क्षेत्र विकास कोष र पशुपति क्षेत्रको विषयमा उठेको बिभिन्न पक्षमाथि भएको छलफलमा समितिकी सभापति रावलले पशुपति क्षेत्र विकास कोषलाई व्यवस्थित गर्नुको विकल्प नरहेको बताइन् ।
उनले भनिन् ‘ पशुपति क्षेत्र विकास कोषको काम कारवाहीलाई व्यवस्थित गर्नको लागि यसका बाधा हटाउनको लागि समन्वय पनि गर्दै आईरहेका छौं । र,हामीले समय समयमा स्थलगत अध्ययन पनि गरिरहेका छौं । अहिले जति पनि विषय उठेको छ । त्यो विषयलाई समाधान गरेर जानुको विकल्प पनि छैन । र, यो सम्बन्धि निकायलाई छिटो छरितो बनाउन हामीले सबैले सहयोग सहकार्य गर्नुपर्छ ।
हामीले पशुपति क्षेत्र विकास कोषलाई व्यवस्थित गर्न यो राष्ट्रिय गौरवको आयोजना भित्र रहेको पशुपति क्षेत्रको समस्या समाधान गर्नको लागि हामीले मन्त्री ज्यूकै उपस्थितिमा थप छलफल गराउन पर्ने निष्कर्ष निकाल्यौं । ’ रावलले जानकारी दीएकी दिइन् ।
समखबर संवाददाता 
