यसकारण दिए बाग्मती प्रदेशका सांसद सुवेदीले राजीनामा !

बाग्मती प्रदेशका सांसद विजय सुवेदीले राजीनामा दिएका छन् । प्रमुख प्रतिपक्षी दल नेकपा (एमाले)को तर्फबाट भरतपुर महानगरपालिकाको मेयरमा सर्वसम्मत सिफारिस भएपछि सुवेदीले राजीनामा दिएका हुन् ।

उनले आज बाग्मतीका सभामुख सानुकुमार श्रेष्ठसमक्ष राजीनामा पत्र बुझाएका छन् । निर्वाचन आयोगले उम्मेदवार दर्ता गर्न जनप्रतिनिधिले राजीनामा दिनु पर्ने नियम जारी गरे पछि उनले राजीनामा दिएका हुन् ।