समखबर संवाददाता 
समखबर संवाददाता
काठमाडौं महानगरपालिकाको प्रमुख पदका स्वतन्त्र उम्मेदवार बालेन शाहले मतान्तर फराकिलो बनाउँदै लगेका छन् ।
गत वैशाख ३० गते भएको निर्वाचनको मतगणना जारी रहेको छ । हालसम्म भएको मतगणना अनुसार बालेनले प्रतिस्पर्धी उम्मेदवार नेपाली कांग्रेसकी सिर्जना श्रेष्ठ र नेकपा एमालेका केशव स्थापितसँग मतान्तर बढाउँदै लगेका हुन् ।
निर्वाचन आयोगका अनुसार बालेनले हालसम्म ३९ हजार ५ सय १५ मत प्राप्त गरिसकेका छन् । उनको निकटतम् प्रतिस्पर्धी कांग्रेसकी सिर्जनाले २२ हजार २ सय ७० मत प्राप्त गरेकी छन् ।
मेयरमा कांग्रेस उम्मेदवार सिर्जनकोभन्दा बालेनले १७ हजार २ सय ४५ बढी मत प्राप्त गरिसकेका छन् ।
एमाले उम्मेदवार स्थापित अहिले तेस्रो स्थानमा रहेका छन् । स्थापितले हालसम्म २१ हजार ७ सय ७५ मत प्राप्त गरेका छन् । स्थापितकोभन्दा बालेनले १७ हजार ७ सय ४० बढी मत प्राप्त गरेका छन् ।
समखबर संवाददाता 
