समखबर संवाददाता 
समखबर संवाददाता
नेपाल भलिबल संघ (एनभिए) को आगामी निर्वाचनमा वर्तमान उपाध्यक्ष निरोज मास्केले अध्यक्ष पदमा उम्मेदवारी दिने भएकी छिन् ।
मौखिक रुपमा यसअघि नै अध्यक्षमा उम्मेदवारी दिने बताउँदै आएकी मास्केले आगामी चार वर्षे कार्यकालको लागि अध्यक्ष पदमा उम्मेदवारी भोलि (मंगलबार) दिने भएकी हुन् । ‘नेपाली भलिबलको आगामी बाटोसम्बन्धी मेरो अवधारणासहित अध्यक्षमा उम्मेदवारीको घोषणा गर्छु,’ मास्केले सूचना जारी गरेकी छिन् । उनले दिउँसो २ बजे नेपाल हाउस हात्तीसारमा कार्यक्रम राखेकी छिन् ।
एनभिएको आगामी निर्वाचन २२ भदौमा हुँदैछ । यस्तै, उनको समूहबाट मनवीर छन्त्यालले महासचिवमा उम्मेदवारी दिने बताएका छन् । वर्तमान महासचिव जितेन्द्र चन्द समेत अध्यक्षका प्रत्यासी बन्ने जनाएका छन् । आन्तरिक रुपमा तयारी गरे पनि औपचारिक रुपमा उनले उम्मेदवारी घोषणा भने गरेका छैनन् ।
वर्तमान कार्यसमितिको पदावधी दुई वर्षअघि नै सकिए पनि कोरोना महामारी र खेलकुद ऐनका कारण निर्वाचन हुन सकेको थिएन ।
समखबर संवाददाता 
