समखबर संवाददाता 
समखबर संवाददाता
१२ स्थानीय तह र १०३ वडा रहेको सिन्धुपाल्चोकमा स्थानीय निर्वाचनको अन्तिम मतपरिणाम सार्वजनिक भएको छ ।
कांग्रेसले बाह्रविसे नगरपालिका, मेलम्ची नगरपालिका, भोटेकोसी गाउँपालिका, हेलम्बु गाउँपालिका र त्रिपुरासुन्दरी गाउँपालिका जितेको छ । माओवादी केन्द्रले चौतारा साँगाचोकगढी नगरपालिका, बलेफी गाउँपालिका, लिसंखुपाखर गाउँपालिका र जुगल गाउँपालिका जितेको छ । एमालेले इन्द्रावती गाउँपालिका, सुनकोसी गाउँपालिका र पाँचपोखरी थाङपाल गाउँपालिका जितेको छ ।
जिल्लाका १०३ वडामध्ये कांग्रेसले ५३, एमालेले ३६, माओवादीले ११, एकीकृत समाजवादी, राप्रपा र स्वतन्त्र उम्मेदवारले एक(एक वडा जितेका छन् । पाँचपोखरी थाङपाल गाउँपालिका अध्यक्ष र उपाध्यक्ष तथा हेलम्बु गाउँपालिका अध्यक्षमा पुरानै अनुहार दोहोरिएका छन् ।
चौतारा साँगाचोकगढी प्रमुखमा माओवादी केन्द्रका कृष्णप्रसाद सापकोटा ११ हजार ७२ मत ल्याएर निर्वाचित भए । उपप्रमुखमा एकीकृत समाजवादीकी सीता थापा नौ हजार ७२६ मत ल्याएर निर्वाचित भएकी छन् । नगरपालिकामा माओवादी केन्द्र र एकीकृत समाजवादीबीच तालमेल भएको थियो ।
बाह्रविसे प्रमुखमा कांग्रेसका बालकृष्ण बस्नेत ७ हजार ७ सय २८ मत ल्याएर निर्वाचित भए । उपप्रमुखमा नेपाली कांग्रेसकै मञ्जु तामाङ ६ हजार ९ सय ७७ मत ल्याएर निर्वाचित भइन् ।
मेलम्ची प्रमुखमा कांग्रेसका आइतमान तामाङ ११ हजार २ सय ५८ मत ल्याएर निर्वाचित भएका छन् । उपप्रमुखमा एमालेकी उमा प्रधानले १० हजार १ सय ६४ मत ल्याएर विजयी हासिल गरिन् । नगरपालिकामा कांग्रेस र राप्रपाबीच गठबन्धन भएको थियो ।
जुगल गाउँपालिका अध्यक्षमा माओवादी केन्द्रका रेशम स्याङ्बो ५ हजार ५ सय ३ मत प्राप्त गरी विजयी हासिल गरेका छन् । उपाध्यक्षमा कांग्रेसका हिमालकुमार श्रेष्ठ ४ हजार ६ सय ८९ मत ल्याएर विजयी भए । पालिकामा माओवादी केन्द्र र कांग्रेसबीच तालमेल भएको थियो ।
त्रिपुरासुन्दरी अध्यक्षमा कांग्रेसका भक्तध्वज बोहरा ४ हजार २ सय २९ मत ल्याए भने उपाध्यक्षमा कांग्रेसकै गीताकुमारी नेपाल ४ हजार १ सय ५६ मत ल्याएर विजयी भइन् ।
पाँचपोखरी थाङपाल मा माओवादी र कांग्रेस गठबन्धनलाई हराउँदै अध्यक्ष र उपाध्यक्षमा एमाले विजयी भएको छ । अध्यक्षमा टासी लामा ५ हजार ६ सय ८ र एमालेकै सुनिता अधिकारीले ५ हजार ७ सय २२ मत ल्याएर निर्वाचित भएकी छन् । यहाँ अध्यक्षरउपाध्यक्षमा पुरानै अनुहार दोहोरिएका छन् ।
बलेफी अध्यक्षमा माओवादी केन्द्रका गंगाबहादुर तामाङले ४ हजार ६ सय ६६ मत प्राप्त गरे भने उपाध्यक्षमा कांग्रेसकी सरु लामा तामाङ ४ हजार ३ सय ९४ मत ल्याएर निर्वाचित भएका छन् । यहाँ माओवादी केन्द्र र समाजवादीबीच तालमेल भएको थियो ।
भोटेकोसी अध्यक्षमा कांग्रेसका पासाङ नुर्पु शेर्पाले २ हजार ६ सय ५ मत ल्याए भने उपाध्यक्ष कांग्रेसकै दिछेन शेर्पा २ हजार ७ सय १२ मत ल्याई निर्वाचित भएका छन् ।
इन्द्रावती अध्यक्षमा एमालेका झम्कनाथ नेपाल ७ हजार १ सय २७ मत ल्याएर विजयी भए । उपाध्यक्षमा एमालेकै शोभना तामाङ ६ हजार ५ सय १३ मत ल्याई निर्वाचित भइन् ।
लिसंखुपाखर अध्यक्षमा माओवादी केन्द्रका राजु लामा तामाङ ३ हजार ९ सय २५ मत ल्याएर निर्वाचित भए । उपाध्यक्षमा एमालेकी मिठू देवी लामाले ३२ सय ५१ मत ल्याइन् ।
सुनकोसी अध्यक्षमा एमालेका टपिन्द्रप्रसाद तिमल्सिनाले ५ हजार ९ सय ३२ मत ल्याए । उपाध्यक्षमा कांग्रेसकी कान्छी लामा ५ हजार ९ सय ५ मत ल्याई विजयी भइन् । पालिकामा एमाले र माओवादी केन्द्रबीच गठबन्धन भएको थियो ।
हेलम्बु अध्यक्षमा कांग्रेसका निमा ग्याजेन शेर्पाले ५ हजार ३ सय ८६ मत ल्याई विजयी हासिल । उपाध्यक्षमा कांग्रेसकै अप्सरा लम्साल लामिछानेले ५ हजार २ सय १४ ल्याई विजयी भइन् । यहाँ अध्यक्षमा पुरानै अनुहार दोहोरिएको हो ।
उपप्रमुख पदमा सिन्धुपाल्चोकमा एक अनुहार दोहोरिएको छ भने अरु नयाँ निर्वाचित भएका छन् । पाँचपोखरी थाङपाल गाउँपालिकामा सुनिता अधिकारीलाई जनताले फेरि उपाध्यक्षमा चुनेका छन् । बाह्रविसेमा सुशीला पाख्रिनलाई उपप्रमुखक लागि फेरि एमालेले दोहोर्याए पनि उनी पराजित हुनुपर्यो ।
लिसंखु प्रमुख माओवादीले जित्दा उपप्रमुख भने एमालेबाट मिठुदेवी लामा निर्वाचित भइन् । सुनकोसीमा एमालेका टपेन्द्र तिमल्सिनाले अध्यक्ष पद जित्दा उपाध्यक्षमा कांग्रेसकी कान्छी लामाले जितिन् । बलेफीमा माओवादीले अध्यक्ष आफ्नो पोल्टामा पाउँदा उपप्रमुखमा कांग्रेसकी सरु लामा तामाङ निर्वाचित भइन् । मेलम्चीमा कांग्रेसका आइतमान तामाङ प्रमुख पदमा विजयी हुँदा उमा प्रधान एमालेबाट निर्वाचित भइन् ।
समखबर संवाददाता 
