समखबर संवाददाता 
समखबर संवाददाता
हुम्ला, डोल्पामा एक सातादेखि नियमित हवाइ सेवा हुन सकेको छैन । मौसमयमा आएको खराबीका कारणका हवाइ उडान बन्द भएको हो ।
दैनिक यात्रुहरू विमानस्थल गएर फर्कन बाध्य भएको डोल्पा पत्रकार महासंघका सचिव लेखबहादुर बुढाले बताए । सडक सञ्जलासँग नजोडिएको हुम्लाका सर्वसाधारण महङ्गो र जोखिम मोलेर यात्रा गर्न बाध्य छन् ।
सार्केगाड-४ का मनबहादुर रोकायले मंगलबार बिहानदेखि कर्णालीमा थप मौसममा परिवर्तन भएकाले हवाइ सेवा अझै केही दिन ठप्प हुन सक्ने बताए । सुर्खेत र नेपालगन्जबाट हुम्लाको लागि उडान हुँदै आएको छ । यहाँ निजी कम्पनीले जहाजले उडान भर्दै आएका छन् ।
नियमित उडान नहुँदा औषधि उपचारदेखि अन्य काममा समेत समस्या हुँदै आएको छ । उडान नहुँदा सिमकोटमा पसलहरू खाद्यन्न अभाव र महङ्गी बढेको छ ।
समखबर संवाददाता