समखबर संवाददाता 
समखबर संवाददाता
नेपाल पत्रकार महासंघ लुम्बिनी प्रदेश समिति अध्यक्ष बसन्त गिरीले महासंघ रुपन्देही जिल्ला अध्यक्ष रामराज पोखरेललाई कारबाहीको माग गरेका छन् । आफूलाई अपशब्द प्रयोग गरी गाली गलौज गरेको भन्दै उनले महासंघको केन्द्रीय समितिमा अध्यक्ष पोखरेललाई कारबाहीको माग गर्दै उजुरी दिएका हुन् ।
विज्ञापन बोर्ड नेपालले गएको २१ जेठमा बुटवलमा आयोजना गरेको “विज्ञापन आचारसंहिता एवं राष्ट्रिय नीति सम्बन्धी अन्तरक्रियामा सहभागी भएका बेला जिल्ला अध्यक्ष रामराज पोखरेलले आफूमाथि अपशब्द प्रयोग गरी गाली गलौज गरेको प्रदेश अध्यक्ष गिरीले बताए ।
ुम जिल्ला अध्यक्षसँगै मञ्चमा थिए, प्रदेश पत्रकार महासंघले प्रदेश सरकारको बजेटमा विभिन्न तालिम गर्ने सम्झौता गरेकाले रुपन्देहीबाट पनि पत्रकार सहभागी गराइदिन आग्रह गर्दा उहाँले अन्तिम समयमा आएर बल्ल थाहा दिने भन्दै गाली गलौज गर्दै अपशब्द प्रयोग गर्नुभयो, गिरीले महासंघ केन्द्रीय समितिलाई उजुरी दिँदै भनेका छन् ।
प्रदेश अध्यक्ष गिरीले महासंघको केन्द्रीय समितिलाई निवेदन दिएपछि केन्द्रीय समितिले अनुशासन आयोगका संयोजक लेखनाथ न्यौपानेको नेतृत्वमा छानबिन प्रक्रिया अगाडि बढाएर आवश्यक कारबाही थाल्न जिम्मेवारी दिएको थियो । सो विवादलाई मिलाउन महासंघका केन्द्रीय अध्यक्ष विपुल पोखरेल आफैँ बुटवल आएका थिए । तर, सो बखत प्रदेश अध्यक्ष गिरी उपस्थित भएनन् ।
महासंघ अनुशासन आयोगका संयोजक न्यौपानेले अहिले प्रेस युनियनको महाधिवेशन चलिरहेकाले महाधिवेशन सकिनासाथ यसबारेको कारबाही अगाडि बढाइने बताए । ुअनुशासन आयोगले अब आफ्नो निर्णय गरी महासंघको केन्द्रीय समिति बैठकमा पेस गर्छ, उक्त बैठकले कारबाही गर्ने कि नगर्ने भन्ने निर्णय गर्छ, उनले भने ।
समखबर संवाददाता