समखबर संबाददाता 
समखबर संबाददाता
काठमाडौं, पुष, १७ । नेपाली कांग्रेसको विशेष महाधिवेशन पक्षधर पुस २७ र २८ गतेगरी दुई दिनका लागि भृकुटीमण्डपको हल बुकिङ गरेका छन्। विशेष महाधिवेशनका लागि भन्दै भृकुटीमण्डपको हल बुकिङ गरिएको विशेष पक्षधर केन्द्रीय सदस्य अजयबाबु शिवाकोटीले जानकारी दिए।
‘२७ र २८ गतेगरी दुई दिनका लागि हल बुकिङ भइसक्यो, अब विशेष महाधिवेन हुने पक्का भयो,’ केन्द्रीय सदस्य शिवाकोटीले भने। उनी महामन्त्री गगन थापा निकट केन्द्रीय सदस्य हुन्।
यसअघि पुस २६ देखि २८ गतेसम्मका लागि कांग्रेसको १५ औँ महाधिवेशन तय भएको थियो। क्रियाशील सदस्यता वितरणको काम नटुंगिएकाले सो मितिमा नियमित महाधिवेशन नहुने पक्का भइसकेको छ।
त्यसपछि महामन्त्री द्वय गगन थापा र विश्वप्रकाश शर्माले विशेष महाधिवेशन बाध्यकारी भएको बताउँदै आएका छन्।
समखबर संबाददाता 
